Өнөөдөр боловсролын ерөнхий газрын болон НБГ-ын урилгаар хүрэлцэн ирсэн ОХУ-ын холбооны статустай топ-10 сургуулийн нэг М.К.Аммосовын нэрэмжит хойд дорнодын холбооны их сургууль, Арктикийн соёл урлагийн их сургууль, Сахалин БНУ-ын хөгжмийн их сургуулиудын төлөөллүүд манай сургууль дээр айлчиллаа.
Уулзалтын хүрээнд монголын ЕБС-иудыг төлөөлж хамтран ажиллах, 2023 оны 1-р сард сургуулийн захиргаатай гэрээ байгуулах, шинэ сургуулийн барилгын нээлтэд оролцох, орос хэлний жишиг кабинет байгуулж өгөх, санхүүжилтийг шийдвэрлэж өгөх, багш солилцоо хөтөлбөр хэрэгжүүлэх орос хэлний багш нарын хэлний боловсролыг дээшлүүлэхэд анхаарах, нийслэлийн түвшинд эрдэм шинжилгээний хурлыг 12-р сургуулийн бааз суурин дээр түшиглэн төв болгон зохион байгуулах, сэтгэл зүйч нарын судалгааны төсөл хэрэгжүүлэх зэрэг санал солилцон хамтран ажиллахаар боллоо. Багш Б.Базар ахлагчтай Орос хэлний ЗАН-ийн хамт олны төлөөлөл багш Батгэрэл, Батбилэг, Ширчмаа нар уулзалт ярилцлагад оролцож, хамтран ажиллах санал бодлоо солилцсон ажил хэрэгч бүтээлч уулзалт боллоо.
